sedablog.ru

Բոլոր կանայք էլ երազում են գեղեցիկ և խնամված տեսք ունենալու մասին: Այս հարցում կարող են օգնել համապատասխան պրոցեդուրաները, սակայն հնարավորություններն ու ֆինանսական վիճակը ոչ միշտ են թույլ տալիս այցելել գեղեցկության սրահներ: Այնուամենայնիվ՝ կան հիանալի այլընտրանքային տարբերակներ, որոնք կօգնեն հասնել ցանկալի արդյունքի՝ առանց մեծ ջանքեր և գումարներ ծախսելու:

Մի քանի տարով երիտասարդ տեսք ունենալու համար հարկավոր է խնամք ու հոգատարություն: Ձեր ուշադրությանն ենք ներկայացնում անգլիական մի դիմակ, որը հարկավոր է օգտագործել քնելուց առաջ: Այս դիմակը հարմար է մաշկի բոլոր տեսակներին և մաքրում ու հարթեցնում է այն: Բացի այդ, այն սնուցում ու խոնավեցնում է մաշկը, բարելավում է մաշկի վերին շերտերի արյան շրջանառությունը:

Անգլիական երիտասարդացնող դիմակի բաղադրատոմսը

Պատրաստման եղանակը.

Հարկավոր է վերցնել 3 հատ բաժակ, այնուհետև առաջինի մեջ լցնել որևէ բուսայուղ՝ խառնած կոտորակիչով մանրացրած վարսակի փաթիլներին, երկրորդի մեջ լցնել քերիչով մանրացրած խնձոր, 1 ճաշի գդալ մեղր և ½ կիտրոնից քամված հյութ, իսկ երրորդի մեջ՝ 1 թեյի գդալ մանր աղով կեֆիր:

Օգտագործման եղանակը.

Լվացվել և առաջին բաժակի պարունակությունը քսել դեմքին (կարելի է նաև պարանոցին ու դեկոլտեի հատվածին) և 2 րոպե նրբորեն մերսել մաշկը: Թողնել 5 րոպե:

Երբ դիմակը մի փոքր չորանա, դեմքին քսել նաև երկրորդ բաժակի պարունակությունը: Կրկին մերսել մաշկը 2 րոպե և թողնել դիմակը ևս 5 րոպե:

Բամբակյա սկավառակը կամ սպունգը թրջել գոլ ջրով և մաքրել դիմակը, այնուհեև դեմքին քսել երրորդ բաժակի պարունակությունն ու թողնել 10 րոպե:

Դիմակը լավ լվանալ ջրով, սակայն ավելի գերադասելի կլինի, եթե ջրի փոխարեն լինի երիցուկի կամ վաղենակի (календула) եփուկ: Այս պրոցեդուրայից հետո հարկավոր է քսեկ գիշերային նրբաքսուք:

Այս դիմակը հարկավոր է օգտագործել շաբաթական երկու անգամ, իսկ կուրսը տևում է առավելագույնը 3 շաբաթ, որից հետո հարկավոր է դադար անել: Եթե նման պրոցեդուրաների համար ժամանակ չկա, ապա հարկավոր է բաժանել ամբողջ պրոցեդուրան երեք մասի և օգտագործել երեք օրում (յուրաքանչյուր բաժակի պարունակությունը մեկ օրում):

Նյութի աղբյուրը՝ takprosto.cc