Հաճախակի կրկնվող աչքերի այտուցների դեմ հաջողությամբ կարելի է պայքարել տանը պատրաստված դիմակներով: Դրանք սովորական դիմակների նման են պատրաստվում, միայն կարևոր է այն օգտագործելուց առաջ 15-20 րոպեով դնել սառնարանում: Այսպես.
- այտուցների դեմ հիանալի պայքարում է մաղադանոսը: Մանր կտրատեք այն, եթե մաղադանոսը չոր է, հանքային ջրով փափկացրեք, ապա դրեք սառնարանում: Նշված ժամանակից հետո հանեք, քսեք պրոբլեմատիկ հատվածին, պահեք 15 րոպե, ապա լվացեք
- եթե ձեր աչքերի տակ այտուցվում է առավոտյան, ապա արագ տարբերակ է հում կարտոֆիլով դիմակը. քերեք կարտոֆիլը, ստացված խյուսը քսեք աչքերի տակ, ապա 15 րոպե հետո լվացեք
- արագ տարբերակ է նաև թեյի փաթեթը. ընկղմեք այն սառը ջրի մեջ, ապա դրեք աչքերի տակ 10-15 րոպեով
- աչքերի տակի այտուցներից ազատվելու լավ տարբերակ է նաև վարունգի դիմակը. մաքրեք կեղևից, քերեք այն, ապա ստացված խյուսը քսեք այտուցներին, պահեք 20 րոպե, լվացեք սառը ջրով
- ծովի աղով (այն կարելի է փոխարինել նաև կերակրի սոդայով) կոմպրեսը նույնպես հաջողությամբ անցկացնում է այտուցները: Մեկ բաժակ տաք ջրի մեջ 2 ճաշի գդալ ծովի աղ կամ կերակրի սոդա լցրեք, լավ խառնեք, թողեք հովանա, ապա դրեք սառնարանում: Մեկ ժամից հանեք, բամբակն ընկղմեք լուծույթի մեջ, քամեք, դրեք աչքերին, պահեք 10 րոպե, ապա հանեք: Անհրաժեշտության դեպքում 15 րոպե անց կրկնեք նույնը: Կոմպրեսից հետո կոպերի համար նախատեսված կրեմ քսեք:
- այտուցների դեմ պայքարում է նաև հնդկաձավարի դիմակը: Տաքացրեք այն, ապա մանրացրեք սրճաղացի օգնությամբ, մի քիչ ջուր ավելացրեք, որպեսզի խմորի տեսք ստանա: Քնելուց առաջ կես ժամով ստացված զանգվածը քսեք աչքերի այն հատվածում, որտեղ այտուցվում է:
http://newsline.am/am/news/view/46419.html
