sedablog.ru

Մարդիկ սովորաբար անտեսում են ենթամթերքը, սակայն դրանք շատ օգտակար են: Դրանցից ամենաօգտակարներից մեկը հավի քարաճիկն է, որով կարելի է պատրաստել շատ համեղ ու օգտակար ուտեստներ: Բացի այդ, այն նաև հիանալի մթերք է նիհարել ցանկացողների համար, քանի որ դրա 100 գրամում պարունակվում է ընդամենը 130-170 կկալ:

Հավի քարաճիկի քիմիական բաղադրությունը շատ բազմազան է լինում: Այն հարուստ է բազմաթիվ միկրո- և մակրոտարրերով՝ ինչպիսիք են կալիումը, ֆոսֆորը, կալցիումը, ցինկը, երկաթն ու պղինձը: Բացի այդ, այն նաև պարունակում է վիտամիններ (նիացին, պանտոտենաթթու, ֆոլաթթու, ասկորբինաթթու, ռիբոֆլավին):

Հավի քարաճիկի օգտակար հատկությունները

1.      Խթանում է ստամոքսահյութի արտադրության գործընթացը և ապահովում է աղիների առողջ միկրոֆլորան:

2.      Կարգավորում է երիկամների, գլխուղեղի, սրտամկանի և նյարդային համակարգի աշխատանքը:

3.      Պարունակում է բավարար քանակությամբ երկաթ՝ անեմիայի (սակավարյունություն) առաջացումը կանխելու համար:

4.      Կարգավորում է նյութափոխանակությունը:

5.      Պարունակում է շատ մեծ քանակությամբ սելեն, ուստի նպաստում է երիտասարդության պահպանմանը:

6.      Սելենը նաև կանխում է չարորակ գոյացությունների առառացումը և ամրապնդում է իմունային համակարգը:

7.      Հագեցնում է օրգանիզմը ցինկով, ինչն անչափ անհրաժեշտ է կմախքի ճիշտ ձևավորման համար:

8.      Մեծ քանակությամբ վիտամինների շնորհիվ՝ քարաճիկը բարելավում է մաշկի, եղունգների և մազերի ընդհանուր վիճակը:

Քարաճիկը շատ օգտակար մթերք է ուստի այն հարկավոր է ներառել նաև 1 տարեկանից բարձր երխաների կերակրացանկում: Սակայն պետք չէ չարաշահել: Հարկավոր է տալ այն երեխային շաբաթական մեկ անգամից ոչ ավել և նախապես լավ մանրացնել:

Ինչպես մաքրել ու պատրաստել հավի քարաճիկը

1.      Հավի քարաճիկն ունիվերսալ մթերք է, որով կարելի է պատրաստել բազմաթիվ տարատեսակ ուտեստներ: Դրանք կարելի է խաշել, շոգեխաշել, տապակել և այլն:

2.      Այս մթերքի յուրահատկությունը կայանում է նրանում, որ այն շատ հեշտությամբ է կլանում համեմունքների համն ու բույրը, ուստի պատրաստելիս կարելի է տարատեսակ համեմունքներ ու խոտաբույսեր օգտագործել:

3.      Սառեցրած քարաճիկը հարկավոր է հալեցնել սառնարանում մոտ 12 ժամ: Սակայն պարզապես սառնարանում պահված, բայց չսառեցրած ենթամթերքը շատ ավելի օգտակար է:

4.      Հավի քարաճիկի վրա կա բարակ թաղանթ, որը շատ օգտակար է, սակայն օգտագործվում է առանձին՝ փոշիացված վիճակում, ուստի պատրաստելիս դրանք հարկավոր է հեռացնել:

5.      Եթե թռչունը երիտասարդ է, ապա քարաճիկը հարկավոր է եփել մոտ 40 րոպե, հակառակ դեպքում՝ առնվազն 2 ժամ:

6.      Հարկավոր է շատ մեծ ուշադրություն դարձնել մթերքի պահպանման ժամկետին, քանի որ հին մթերքը կարող է լուրջ վնաս հասցնել օրգանիզմին: Հարկ է հիշել, որ հավը մորթելուց երկու օր անց քարաճիկները դառնում են տոքսիկ նյութերի աղբյուր: Թարմ ենթամթերքը պետք է լինի մաքուր ու փայլուն:

Հավի քարաճիկը շատ օգտակար է օրգանիզմի համար, սակայն հարկ է հիշել, որ չարաշահումը կարող է հակառակ ազդեցությունն ունենալ:

Նյութի աղբյուրը՝ takprosto.cc