sedablog.ru

Ուրցը շատ տարածված խոտաբույս է և դարեր շարունակ օգտագործվել է տարբեր հիվանդությունների՝ այդ թվում նաև գրիպի և էպիլեպտիկ նոպաների բուժման համար:

Միջին դարերում մարդիկ խառնում էին հավասար քանակությամբ ուրցն ու նարդոսը և ստացված խառնուրդը լցնում եկեղեցու հատակին՝ բոլոր անցանկալի հոտերից ազատվելու համար: Բացի այդ, այն նաև օգտագործվում էր վերքերի բուժման ու վարակների կանխարգելման համար:

Ուրցի եթերայուղերն օժտված են հզոր հակավիրուսային, հակառևմատիկ, հակասեպտիկ, հակամակաբուծային և հակասնկային  ազդեցությամբ:

Պարբերաբար ուրց օգտագործելը թույլ է տալիս նվազեցնել օրգանիզմում վիրուսների մակարդակը, ուստի այն շատ օգտակար է գայլախտի (волчанка), քրոնիկ հոգնածության համախտանիշի, ականջներում լսվող աղմուկի, ցրված սկլերոզի, ֆիբրոմիալգիայի, գլխապտույտների, աուտոիմունային թիրեոդիտի և ռևմատոիդ արթրիտի դեպքում: Պարզապես հարկավոր է ամեն առավոտ ուրցով թեյ խմել:

Ուրցը պարունակում է մեծ քանակությամբ վիտամիններ ու հանքանյութեր (այդ թվում նաև երկաթ, կալիում, կալցիում), որոնք շատ կարևոր են արյան կարմիր գնդիկների ձևավորման, զարկերակային ճնշման կարգավորման, ինչպես նաև օրգանիզմում հակաօքսիդանտների բաշխման համար: Բացի այդ, այն նաև հարուստ է ֆոլաթթվով, A, C և B խմբի վիտամիններով:

Այն նաև պարունակում է տարատեսակ բիոֆլավոնոիդներ և եթերայուղեր՝ այդ թվում նաև թիմոլ՝ եթերայուղ, որն օժտված է հզոր հակաօքսիդանտային հատկություններով:

Բացի այդ, ուրցը նաև օգնում է կանխարգելել քաղցկեղը: Ուսումնասիրությունները նաև ցույց են տվել, որ պարբերաբար ուրց օգտագործելը մեծացնում է երիկամներում, սրտամկանում, գլխուղեղում և բջջային մեմբրաններում դոկոզահեքսաենաթթվի քանակը:

Ուրցի եթերայուղերն ունենում են հզոր խորխաբեր և բրոնխիալ սպազմալիտիկ ազդեցություն, ուստի հիանալի բուժիչ ու կանխարգելիչ միջոց են հետևյալ հիվանդությունների դեպքում.

·         գինգիվիտ,

·         լարինգիտ,

·         ասթմա,

·         կոկորդի վարակներ,

·         սուր և քրոնիկ բրոնխաբորբ (բրոնխիտ),

·         նշիկաբորբ (անգինա),

·         հազ,

·         բերանի խոռոչի բորբոքումներ:

նյութի աղբյուրը՝ healthyfoodhouse.com