sedablog.ru

Դեմքի առողջ գույնը պահպանելու և կնճիռներից ազատվելու համար խորհուրդ է տրվում յուրացնել շիացու մերսման տեխնիկան: Այս մերսումն ընդհանրապես ժամանակատար չէ և իրականացվում է միայն մատներով: Մերսման ողջ համալիրն իրականացնելու համար բավական կլինի ընդամենը 5 րոպեն: 

Դեմքի երիտասարդացնող մերսում

1.      Միաժամանակ երեք մատով (ցուցամատով, միջնամատով ու մատնեմատով) սեղմել նկարում պատկերված կետերը՝ յուրաքանչյուրին տրամադրելով 5-7 վայրկյան

2.      Միևնույն ժամանակ երեք մատով սեղմել հոնքերի հատվածում գտնվող կետերը:

3.      Ցուցամատով սեղմել աչքի արտաքին անկյան մոտ գտնվող կետը, այնուհետև՝ ներքին անկյան մոտ գտնվող կետը: Կրկնել այս պրոցեդուրան նաև մյուս աչքի համար

4.      Միացնել երեք մատը (ցուցամատ, միջնամատ, մատնեմատ) և սեղմել հոնքերի միջև գտնվող կետերը:

5.      Երեք մատով սեղմել վերին կոպերը՝ հոնքերից քիչ ներքև: Աշխատեք այդ ընթացքում չդիպչել ակնագնդերին: Կրկնել պրոցեդուրան նաև մյուս կոպի համար:

6.      Երեք մատով սեղմել ակնախորշերի ներքևում գտնվող կետերը:

7.      Երեք մատով սեղմել այտոսկրերի ներքևում գտնվող կետերը:

8.      Բթամատերի ծայրերով սեղմել քթի թևերի մետ գտնվող սիմետրիկ կետերը:

9.      Բթամտով սեղմել վերին շուրթի և քթի միջև գտնվող կետը:

10.  Բթամատերով սեղմել շուրթերի անկյուններում գտնվող կետերը:

11.  Բթամատով մի փոքր սեղմել ստորին շուրթի տակ գտնվող փոսիկը:

12.  Միաժամանակ երկու ձեռքի երեք մատով սեղմել ստորին ծնոտի վրա գտնվող կետերը:

13.  Երկու ձեռքի բթամատերով սեղմել ծնոտի տակ գտնվող կետերը, այնուհետև միաժամանակ աջ ու ձախ ձեռքերով սեղմել պարանոցի կողային հատվածներում գտնվող կետերը:

Այս մերսումը կօգնի թարմացնել մաշկը, կրկին կդարձնի այն ձիգ ու առաձգական:

Նյութի աղբյուրը՝ takprosto.cc