Մասուրի եփուկը հանդիսանում է առողջության համար անհրաժեշտ վիտամինների ու միկրոտարրերի հսկայական աղբյուր: Նա բուժիչ հատկությունների լայն տիրույթ ունի` սկսած մրսածությունից մինչև մարսողական խանգարումներ: Այն իր բուժիչ հատկություններով ոչինչով չի զիջում շատ սինթեթիկ դեղատնային դեղամիջոցներին, որոնց յուրացման մակարդակը օրգանիզմի կողմից 5% է:
Այս տարածված ըմպելիքը օրգանիզմն ամրապնդող ու տոնուսավորող միջոց է, որը բարձրացնում է նաև իմունիտետը: Մասուրի եփուկը շատ արդյունավետ է հատկապես ձմռանը՝ սուր շնչառական վիրուսային վարակների դեպքում:
Այն օգտագործվում է տարբեր տեսակի բորբոքային պրոցեսների, մարսողական համակարգի օրգանների բուժման ու երիկամների համար: Մասուրի պտուղները օգտագործվում են որպես ախտածին բակտերիաների դեմ պայքարող միջոց: Բժիշկները խորհուրդ են տալիս մասուրն օգտագործել որպես հավելյալ միջոց՝ բարձր ճնշման, միզասեռական ուղիների խանգարման ու հոդերի հետ կապված խնդիրների դեպքում:
Մարդուն օրական անհրաժեշտ օգտակար նյութերի քանակությամբ այն 1-ին տեղում է գտնվում:
1. Մասուրը որպե նիհարելու միջոց
Մասուրը ոչ միայն հարուստ է օգտակար նյութերով, այլ նաև օգնում է արդյունավետ պայքարել ավելորդ քաշի դեմ: Մասուրի եփուկը հարուստ է մի շարք սնուցող տարրերով, որոնք կարող են օրգանիզմը հիանալի հագեցնել նյութափոխանակությունը արագացնող օգտակար միացություններով: Դրական արդյունքի համար հարկավոր է օրական 3-4 անգամ խմել մասուրի եփուկ կամ թուրմ: Միջինում ընդունման կուրսը 2-4 շաբաթ է:
Եփուկը պատրաստելու համար վերցրեք 3 ճ/գ մասուրի չոր պտուղներ, լցրեք այն 1 լիտր եռման ջրի մեջ, թողեք թրմվի 12 ժամ ու ընդունեք սնունդ ընդունելուց 30-40 րոպե առաջ:
2. Մասուրը հղիության դեպքում
Հղիության ընթացքում ոչ բոլոր տեսակի դեղաբույսերն է թույլատրվում օգտագործել, քանի որ նրացից շատերը ունեն բավականին լուրջ հակացուցումներ: Սակայն մասուրը խորհուրդ է տրվում օգտագործել, քանի որ այն կարող է այդ շրջանում դառնալ մրսածության ու վիրուսային ցանկացած տեսակի հիվանդության կանխարգելիչ բուժման տարբերակ: Օրգանիզմի պաշտպանության և ամրացման համար հարկավոր է կանոնավոր խմել մասուրով թեյ: Այն թույլ կտա այդ ընթացքում բեռնաթափել երիկամների ծանրաբեռնվածությունն ու կառաջացնի թեթև միզամուղ ազդեցություն: Հղի կանայք օրական չպետք է 1 լիտրից ավել մասուրով թեյ խմեն,հակառակ դեպքում այն կարող է վնասել օրգանիզմին:
Ինչպես ճիշտ թրմել մասուրը
Որպեսզի կարողանաք եփել մասուրն ու նրանից ձեռք բերել մաքսիմալ արդյունավետություն, հարկավոր է պահպանել չափաքանակները, եփելու ու սառչելու ժամանակահատվածները: Հարկավոր է պահպանել ջրի ու պտուղի 1:10 հարաբերակցությունը, այսինքն 1լիտր ջուր 100 գրամ մասուր:
Մասուրի եփուկի պատրաստման ժամանակ այն հարկավոր է հասցնել եռման ջերմաստիճանի, որից հետո ծածկել կափարիչով ու թողնել թրմվի 12 ժամ:Շաքար խորհուրդ չի տրվում լցնել եփուկի մեջ, սակայն կարելի է:
Մասուր. օգտակար բաղադրատոմսեր
Մասուրով ու ազնվամորով թեյ
Վիտամինացված թեյը՝ մասուրի ու ազնվամորու պտուղների ավելացմամբ, հիանալի կօգնի տարվա ցանկացած ժամանակահատվածում պայքարել մրսածության հիվանդությունների դեմ:
Հավասար քանակությամբ մասուրի պտուղներն ու թարմ ազնվամորին(կարող եք նաև օգտագործել թարմ սառեցված ազնվամորի) լցրեք 200 մլ եռման ջրի մեջ, թողեք թրմվի այնքան մինչև թեյի ջրմաստիճանը դառնա սենյակային ջերմաստիճանի: Կարող եք նույն չափաքանակով ավելացնել նաև մեղր կամ հաղարջ: Խմել օրական 3-4 անգամ:
Խնձորով ու մասուրի պտուղներով արգանակ
Պատրաստման համար հարկավոր է 100 գրամ մասուրի պտուղ, 3 հատ կարմիր խնձոր, 3 ճ/գ շաքարավազ, 1 ճ/գ կարտոֆիլի օսլա, 100 մլ 10% յուղայնությամբ սերուցք, 300 մլ ջուր, 250 գրամ ցորենի հաց:
Պատրաստման եղանակը՝
Խնձորները մաքրեք, միջուկը հանեք ու քերեք միջին մեծությամբ քերիչով: Ստացված զանգվածի վրա շաքարավազ լցրեք ու դրեք մի քանի ժամ սառնարանում: Մասուրի պտուղներն ու խնձորի կեղևները լցրեք եռման ջրի մեջ ու եփեք 10-15 րոպե: Եփուկը պետք է թրմվի 4-5 ժամ, որից հետո այն քամեք , հասցրեք եռման ջերմաստիճանի ու ավելացրեք օսլան: Այնուհետև ավելացրեք խնձորով զանգվածն ու այն հասցրեք եռման ջերմաստիճանի: Մատուցելու ժամանակ ավելացրեք սերուցքն ու չորահացերը:
Մասուրի օգտագործման հակացուցումները
Մասուրով եփուկը շատ օգտակար է, սակայն, այնուամենայնիվ այն որոշ մարդկանց համար հակացուցված է: Օրինակ, վիտամին С-ի պատճառով, կարող է առաջանալ ալերգիկ ռեակցիա: Այդ պատճառով օգտագործելուց առաջ համոզվեք, որ այն ձեզ հակացուցված չէ:
Այն խորհուրդ չի տրվում նաև շաքարային դիաբետով ու լեղաքարային հիվանդությամբ տառապողներին: Մասուրը պարունակում է մեծ քանակությամբ ասկորբինաթթու և հակացուցված է աղեստամոքսային տրակտի խոցային հիվանդությամբ ու գաստրիտով տառապող մարդկանց:
Եփուկի կամ թեյի օգտագոծումից առաջ խորհուրդ է տրվում խորհրրդակցել բժշկի հետ:
Աղբյուրը՝ vajnoe.com
|