Նիկոտինը ոչ միայն վնաս է հասցնում այն օգտագործողին, այլ նաև հանդիսանում է միջոց, որը օդն աղտոտում է նյութերով, որոնք պոտենցիալ վտանգավոր են նաև շրջապատի մարդկանց համար:
Վերջին տարիներին զգալիորեն մեծացել է այն մարդկանց թիվը, ովքեր ջանում են ազատվել այդ վնասակար սովորությունից: Սակայն իրականում դա ադքան էլ հեշտ գործընթաց չէ, քանի որ, երբ մարդ թողնում է ծխելը, նա անմիջապես սկսում է տառապել աբստինենցիայով: Ավելին, ծխախոտից հրաժարվելու դեպքում առողջական վիճակի բարելավում միանգամից չի կատարվում, որն էլ և շատերի մոտ դառնում է հիասթափության պատճառ:
Խնդիրը կայանում է նրանում, որ տոքսիկ նյութերը տարիներ շարունակ կուտակվում են մարդու օրգանիզմում և կարող են դուրս գալ միայն 6-ից 8 ամսվա ընթացքում:
Սակայն այդ գործընթացը կարելի է արագացնել, եթե ամեն օր սննդակարգի մեջ ընդգրկել հետևյալ մթերքները, որոնք կարող են օրգանիզմից դուրս բերել նիկոտինն ու այն նյութերը, որոնք առաջացել են վերջինիս տրոհման արդյունքում:
1. Ցիտրուսները
Նարինջը, կիտրոնը, մանդարինը, թուրինջն ու ցիտրուսային ընտանիքի մնացած բոլոր ներկայացուցիչները պարունակում են վիտամին C:
Այդ նյութը բարձրացնում է նյութափոխանակության արդյունավետությունն ու կարգավորում է արյան հոսքը` օգնելով մաքրել արյունն ու թեքերի հյուսվածքները ծխելու վնասակար «արտադրանքներից»: Ավելին, «արևի» երանգ ունեցող մթերքներն օգնում են բավակակին արդյունավետ կերպով ազատվել դեպրեսիայից, որը շատ հաճախ նկատվում է այն մարդկանց մոտ, ովքեր նոր են թողել ծխելը: Ցիտրուսային մրգերի օգտագործումը ունի նաև հակացուցումներ. այն խորհուրդ չի տրվում օգտագործել այն մարդկանց, ովքեր տառապում են ստամոքսի խոցային հիվանդություններով կամ ալերգիկ են:
2. Կիվի
Այդ արևադարձային պտուղը/միրգ/ պարունակում է վիտամին C, A ու E, որը անհրաժեշտ է օրգանիզմի նորմալ կենսագործունեության համար: Մրգի բաղադրության մեջ մտնող օրգանական թթուները նպաստում են նյութափոխանակության արագացմանը: Այն պարունակում է նաև մեծ քանակությամբ մագնեզիում, որը բարելավում է շնչառական գործընթացն ու օգնում է ազատվել հազից, որը տանջում է ծխողների մեծ մասին: Այն համարվում է դիետիկ ու ցածր կալորիականությամբ միրգ, շատ օգտակար է այն մարդկանց համար ովքեր պայքարում են ավելորդ քաշի դեմ, ինչպես նաև այն մարդկանց համար, ովքեր նոր են թողել ծխելը: Այն հակացուցված է այն մարդկանց, ովքեր տառապում են երիկամների ու ստամոքսի բորբոքային հիվանդություններով(հատկապես այդ հիվանդությունների սրացման փուլում), ինչպես նաև զարկերակային հիպոտոնիայի դեպքում:
3. Ջուր
Ապացուցված է այն փաստը, որ ծխախոտի օգտագործման վնասակար հատկություններից մեկը համարվում է օրգանիզմի ջրազրկումը: Այդ պատճառով և ծխողները և այն մարդիկ ովքեր նոր են թողել ծխելը, պետք է հետևեն, որ իրենց օրգանիզմը ստանա բավարար քանակությամբ հեղուկ: Ավելին, ջուրը տառացիորեն «լվանում» է օրգանիզմն ու այնտեղից դուրս է բերում տոքսիներն ու նվազեցնում է աբստինենցիայի ախտանշանները:
4. Սպանախ
Սպանախը համարվում է շատ օգտակար կանաչեղեն: Այն իր մեջ պարունակում է մեծ քանկությամբ ֆոլաթթու(B9 վիտամին), որոնք անհրաժեշտ են նյարդային համակարգի նորմալ գործունեության ու մկանների կենսունակության համար: Դա հատկապես պետք է շատ հետաքրքրի ծխողներին, քանի որ ծխախոտի երկար օգտագործումը հղի է օրգանիզմում B9 վիտամինի դեֆիցիտով: Սպանախը պարունակում է ևս մեկ հիանալի հատկություն. այն մարդիկ ովքեր կանոնավոր կերպով իրենց սննդակարգի մեջ օգտագործում են սպանախ, ժամանակի հետ սկսում են այլ կերպ ընկալել ծխախոտի ծուխը: Ծխելու գործընթացն ինքնին դառնում է նրանց համար տհաճ, որն էլ և բավականին թեթևացնում է վնասակար սովորությունից ազատվելու ցանկությունը:
5. Գազար
Գազարը շատ օգտակար է այն մարդկանց համար ովքեր ցանկանում են ազատվել ծխելուց: Այն պարունակում է մեծ թվով պրովիտամին A, վիտամին B, C ու K, որոնք մասնակցում են օրգանիզմից տոքսինների դուրսբերման գործընթացին, օգնում են ազատվել սթրեսից ու շատ օգտակար են ամբողջ օրգանիզմի առողջության համար:
Գազարի կանոնավոր օգտագործումը բարելավում է մաշկի արտաքին շերտի վիճակը:
Այն մարդիկ ովքեր պատրաստվում են թողնել ծխելը, պետք է ունենան հիմնական սնուցող նյութերով, վիտամիններով ու միկրոէլեմենտներով հավասարակշռված սննդակարգ: Շատ կարևոր է (հատկապես առաջին օրերին) կառավարել սննդից ստացվող կալորիանների քանակությունը. ծխախոտի օգտագործումը իջեցնում է ախորժակը, իսկ վնասակար սովորությունից հրաժարվելու ժամանակ բարձրանում է շատ ուտելու հավանականությունը, և որպես հետևանք՝ ավելորդ քաշի ձեռքբերումը: Հարկավոր է հնարավորինս շատ սննդակարգի մեջ ներառել այնպիսի մթերքներ, որոնք խթանում են սերոտոնինի արտադրությունը (դառը շոկոլադ, ծովային յուղոտ ձուկ, լոբազգիներ, և այլն), որպեսզի օգնեք օրգանիզմին հաղթահարել սթրեսը:
Հարկավոր է ճիշտ սնվել, օգտագործել բավարար քանակությամբ հեղուկ ու ունենալ «խելամիտ» օրվա ընթացք: Այդ դեպքում հնարավոր կլինի հաղթահարել այդ դժվար շրջանը՝ խուսափելով բավականին լուրջ հոգեբանական ու առողջության հետ կապված խնդիրներից:
Աղբյուրը՝ neboleem.net
|