sedablog.ru

Բժիշկները նշում են, որ ոչ մի դեպքում չի կարելի մոռանալ ձկան յուղի մասին: Բրիտանացի գիտնականները պարզել են նաև, որ գրիպով կամ հարբուխով հիվանդանալու հավանականությունը զգալորեն նվազում է ամեն օր վիտամին D ընդունելու դեպքում:

Գիտնականները բացատրում են, որ պարբերաբար վիտամին D ընդունելը կօգնի մոտ 3 միլիոն մարդու ամեն տարի խուսափել մրածությունից: Ուսումնասիրություններն ապացուցում են, որ «արևային» վիտամինն անհրաժեշտ է բոլոր նրանց, ովքեր ցանկանում են երկու անգամ նվազեցնել շնչառական ուղիների հիվանդությունների առաջացման քանակը:

Բժիշկներն ուսումնասիրել են տարբեր երկրներից մոտ 11000 հիվանդի տվյալներ՝ պարզելու համար, թե ինչպես է վիտամին D-ն ազդում սուր շնչառական հիվնդությունների վրա (այդ թվում նաև օտիտ, բրոնխիտ, թոքերի բորբոքում և մրսածություն):
 

Վերլուծությունը ցույց է տվել, որ պարբերաբար այս վիտամինի հավելումներ ընդունելը թույլ է տալիս 12%-ով նվազեցնել շնչառական ուղիների սուր վարակիչ հիվանդությունների դեպքերի քանակը: Ընդ որում՝ օրգանիզմում վիտամին D-ի ցածր մակարդակով հիվանդների մոտ այս վիտամինների հավելումների նշանակման դեպքում հիվանդության առաջացման հավանականությունը նվազում էր 50%-ով, գրում է The Telegraph-ը:

Ինչպես նշել է հետազոտության ղեկավար Ադրիան Մարտինոն՝ սա առաջին գիտական աշխատությունն է, որն էականորեն ապացուցել է, որ վիտամին D-ն իսկապես պաշտպանում է օրգանիզմը օդակաթիլային ճանապարհով փոխանցվող վարակներից:

Գտնականները շատ տարիներ են փորձել հայտնավերել հիվանդությունների և այս վիտամինի միջև կապը՝ հաշվի առնելով, որ շնչառական վարակներն ավելի շատ տարածված են ձմռանը, երբ վիտամին D-ի մակարդակը նվազում է արևի լույսի պակասի պատճառով:

Նախորդ ուսումնասիրությունների տվյալները շատ հակասական արդյունքներ են տվել, սակայն այժմ հաջողվել է պարզել, որ վիտամին D-ն արդյունավետ է, եթե այն օգտագործվում է ամեն օր կամ ամեն շաբաթ, այլ ոչ թե շատ մեծ դադարներով (տարին մեկ կամ մի քանի ամիսը մեկ անգամ):

Բացի այդ, գիտնականները նաև նշում են, որ ձկան յուղից բացի, սննդակարգը կարելի է հարստացնել նաև ձկնամթերքով (սաղմոն, թունա, իշխան) և մաղադանոսով, որոնք նույնպես շատ օգտակար են:

Նյութի աղբյուրը՝ gogetnews.info