sedablog.ru

Ցինկը շատ մեծ նշանակություն ունի մարդու առողջության համար և անհրաժեշտ է օրգանիզմի բոլոր բջիջներին, ուստի հարկավոր է անընդհատ հետևել օրգանիզմում դրա մակարդակին:

Այս տարրն առանցքային դեր է խաղում բջջային նյութափոխանակության մեջ, իմունային ու մարսողական համակարգերի աշխատանքում, հղիության նորմալ ընթացքի մեջ և վերքերի ապաքինման գործընթացում: Ցինկի պակասն ախտորոշելը բավական բարդ է, քանի որ դրա ախտանշանները կարող են նման լինել այլ տարրերի պակասի ախտանշաններին: Դա պարզելու ամենաճիշտ տարբերակը արյան անալիզն է:

Սակայն ցինկը շատ տարածված հանքանյութ է և պարունակվում է սննդամթերքի տարբեր տասկներում (թռչնամիս, միս, ծովամթերք, պանիրներ, լոբազգիներ, ընկուզեղեն, սնկեր, դդմի սերմեր): Սա է պատճառը, որ ցինկի դեֆիցիտը բավական հազվադեպ հանդիպող խնդիր է:

Սակայն դիետաների կամ մարսողական համակարգի աշխատանքի խանգարման դեպքում հարկավոր է հետևել օրգանիզմում ցինկի մակարդակին: Գոյություն ունեն նաև մի շարք այլ խնդիրներ, որոնք նպաստում են օրգանիզմում ցինկի դեֆիցիտի առաջացմանը: Դրանցից են.

·         այրվածքների, թունավորումների, հարվածների արդյունքում առաջացած վնասվածքները,

·         բուսակերությունը,

·         շաքարային դիաբետը,

·         ալկոհոլի չարաշահումը,

·         սուրճի չարաշահումը (3 բաժակից ավել),

·         հետվիրահատական վերականգնման ժամանակահատվածը,

·         հորմոնալ դեղամիջոցների երկարատև օգտագործումը:

Տարիքի հետ այս խնդրի ախտանշանները փոխվում են: Օրինակ՝ երեխաների մոտ կարող են նկատվել աճի դանդաղում, ախորժակի կորուստ ու տրամադրության անկում, մինչդեռ տարեց մարդկանց մոտ ցինկի պակասն առաջացնում է խնդիրներ՝ կապված իմունային համակարգի և գլխուղեղի աշխատանքի հետ:

Ցինկի օրական չափաբաժինն է 12-15 մգ: Հարկ է հիշել, որ երկար ժամանակ կալցիում պարունակող դեղամիջոցի ընդունումը կարող է վատացնել ցինկի յուրացման գործընթացը:

Հասուն մարդու օրգանիզմում ցինկի պակասի ախտանշանները

·         հաճախակի մրսածություն ու իմունային համակարգի թուլացում,

·         փոքրիկ վնասվածքների երկար ապաքինում,

·         եղունգների փխրունություն,

·         ձեռքերի դող,

·         նյարդայինություն ու դյուրագրգիռություն,

·         վատ կոորդինացիա,

·         մազաթափություն,

·         համի զգացողության ու հոտառության թուլացում,

·         հաճախակի ստոմատիտներ,

·         գիշերային տեսողության վատացում,

·         թեփ,

·         ալերգիկ ցան ձեռքերին,

·         ախորժակի կորուստ:

Նյութի աղբյուրը՝ my.goodhouse.com.ua