8:06 PM Քրոնիկ գաստրիտ նուրբ կազմվածքի փոխարեն. ինչպես է պետք ճիշտ նիհարել | |
Ավելորդ քաշից ազատվելու համար մարդիկ դիմում են բազմաթիվ մեթոդների օգնությանը: Նրանք և՛ քաղցած են մնում, և՛ մարզվում են, և՛ փոխում են սննդակարգը, և՛ դիմում են մասնագետների օգնությանը, սակայն հաճախ ցանկալի արդյունքի այդպես էլ չեն հասնում: «Մինուս 60» ինքնակատարելագործման համակարգի հեղինակ Եկատիրինա Միրիմանովան պատմել է, թե որոնք են նիհարելու ամենատարածված մեթոդներն ու խորհուրդները, որոնք ոչ մի կերպ չեն օգնում:
1. Կիտրոն և սոդա
Շատերը մինչ օրս հավատում են, որ այս երկու մթերքի համադրությունը կօգնի նիհարել, մինչդեռ այդ կերպ կարելի է միայն քրոնիկ գաստրիտ ձեռք բերել:
2. Չուտել 18:00-ից հետո
Այս խորհուրդը անհեթեթություն է՝ հատկապես, եթե մինչ 18:00-ն մարդ ուտում է ամեն ինչ և նորմայից շատ: Նիհարելու համար հարկավոր է կարգավորել սննդակարգն ու ճիշտ սնվել:
3. «Թեթև» մայոնեզներ ու սերուցքներ
Նույնիսկ ամենաթեթև մայոնեզն ու սերուցքը պարունակում են մեծ քանակությամբ ճարպեր, ուստի դրանք չեն կարող նպաստել նիհարելուն:
4. Մոնոդիետաներ
Երկու շաբաթ միայն բրինձ կամ հնդկաձավար ուտելը նույնպես շատ սխալ է: Այս դիետաները հնարավոր է օգնեն նիհարել, սակայն հետագայում օրգանիզմը կսկսի վերականգնել վատնածը և մարդը կրկին կգիրանա: Ընդ որում՝ հնարավոր է, որ կուտակված ավելորդ քաշն ավելի շատ լինի, քան կորցրածն էր: Բացի այդ, նմանատիպ դիետաները դանդաղեցնում են նյութափոխանակությունը, ինչը նշանակում է, որ հաջորդ անգամ շատ ավելի դժվար կլինի նիհարել:
5. Անյուղ կաթնամթերք
Անյուղ կաթնամթերքը ոչ միայն օգտակար չէ, այլև կարող է վնասակար լինել, քանի որ դրանցի ստացված կալցիումը չի յուրացվում: Իսկ այս տարրի պակասը 40-50 տարեկանից բարձր կանանց մոտ կարող է դառնալ օստեպորոզի պատճառ:
6. Կալորիաներ չպարունակող սննդամթերք
Կալորիա չպարունակող սննդամթերք կամ «բացասական» կալորիականությամբ մթերք պարզապես գոյություն չունի: Իհարկե միայն նեխուր կամ արքայախնձոր ուտելով մարդը կնիհարի, սակայն ձեռք կբերի նաև գաստրիտ: Բացի այդ, սովորական սննդակարգին վերադառնալու դեպքում քաշը, ինչպես և մոնոդիետաների ժամանակ, կսկսի վերադառնալ:
7. Շատ հյութ խմել
Հյութեր խմել կարելի է, սակայն պետք չէ: Ընդ որում՝ կարելի է խմել միայն թարմ քամված հյութ և միայն չափավոր քանակությամբ: Դրանք չեն պարունակում մանրափելեր, սակայն խթանում են ստամոքսահյութի արտադրությունը, ինչը էլ ավելի է ուժեղացնում քաղցի զգացումը:
8. Սպիտակուցային դիետաներ
Նման դիետաները խիստ բացասաբար են ազդում ներքին օրգանների վրա: Օրինակ՝ կարող են նպաստել երիկամների հիվանդությունների սրմանը:
Նյութի աղբյուրը՝ aif.ru | |
|
| |
| Всего комментариев: 0 | |