5:59 PM Ինչ ախտանշաններ կարող են առաջանալ որոշ վիտամինների դեֆիցիտի դեպքում | |
Ճաքած շուրթեր
Շուրթերի ճաքերը հաճախ են հանդիպում բուսակերների մոտ և պայմանավորված են նրանց սննդակարգով, որը չի պարունակում բավարար քանակությամբ երկաթ, ցինկ և վիտամին B: Այս խնդրի լուծման համար հարկավոր է ուտել ավելի շատ լոբազգիներ, գետնանուշ, ոսպ, թռչնամիս, ձու, թունա ձուկ, սաղմոն և կակղամորթներ: Երկաթն ավելի լավ յուրացնելու և վարակների դեմ պայքարելու համար օրգանիզմին անհրաժեշտ է վիտամին C, որը մեծ քանակությամբ պարունակվում է կաղամբի, ծաղկակաղամբի, բրոկոլիի և կարմիր պղպեղի մեջ:
Կարմիր ցան ու մազաթափություն
Սրանք վիտամին B7-ի դեֆիցիտի ախտանշաններն են: Խնդրի լուծման համար անհրաժեշտ է ուտել խաշած ձու, սաղմոն, ավոկադո, հունական ընկույզ, սոյա, սնկեր, բանան ու ազնվամորի:
Դեմքի, ձեռքերի, մեջքի և ազդրերի հատվածում բշտիկների նման կարմիր ու սպիտակ բծեր
Այս ախտանաշանները հատուկ են ճարպաթթուների և A ու E վիտամինների պակասին: Հարկավոր է խուսափել հագեցած ճարպերից ու տրանս-ճարպերից (մարգարին) և ուտել ավելի շատ սաղմոն, սարդինաներ, հունական ընկույզ և նուշ: Բացի այդ, վիտամին A-ի պաշարը վերականգնելու համար անհրաժեշտ է ուտել գազար, կարմիր պղպեղ ու քաղցր կարտոֆիլ: Բանջարեղենի այս տեսակները պարունակում են բետա-կարոտին՝ մի նյութ, որն օրգանիզմի կողմից օգտագործվում է վիտամիններ ստանալու համար:
Ձեռքերի ու ոտքերի թմրածություն և ծակծկոց
B6, B9 և B12 վիտամիների պակասն անմիջականորեն կապված է պերիֆերիկ նյարդերի, թմրածության ու ծակծկոցի, ինչպես նաև դեպրեսիաների, անեմիայի (սակավարյունություն) և հոգնածության հետ:
Այս խնդիրների լուծման ահամար հարկավոր է ավելի շատ սպանախ, ծնեբեկ, կակղամորթներ, ծովախեցգետիններ, հավկիթ ու հավի միս ուտել:
Մատների, դաստակների, ոտքերի ու մեջքի ցավեր և մկանային սպազմեր
Սա կալցիումի ու կալիումի դեֆիցիտի նշան է: Պարբերաբար ֆիզիկական ակտիվության ու առատ քրտնարտադրության հետևանքով մարդը վիտամիններ է կորցնում, ուստի՝ հարկավոր է ավելի շատ նուշ, պնդուկ, բանան, բալ, թուրինջ, խնձոր, բրոկոլի և այլ բանջարեղեն ուտել:
Նյութի աղբյուրը՝ fitbodycenter.net | |
|
| |
| Всего комментариев: 0 | |