sedablog.ru

Շատ գերմանացիներ և անգլիացիներ սիրում են թեյն ու սուրճը խմել կաթով: Ընդ որում, այս սովորությունը սկսել է տարածվել նաև մեզանում: Կարծիք կար, որ դա ոչ միայն համեղ է, այլև օգտակար, քանի որ կաթն ավելացնում է ուժերը, լավացնում մարսողությունը, ամրապնդում սիրտը: Սակայն գերմանացի մի խումբ գիտնականներ պարզել են, որ թեյի օգտակար հատկությունները չեզոքացվում են կաթի համատեղ օգտագործման հետևանքով: Հայտնի սրտաբան պրոֆեսոր Վերենա Սթանգլի գլխավորությամբ ստեղծված խումբը պարզել է, որ սև թեյի օգտագործումը թույլ է տալիս ապահովել արյան նորմալ ճնշումը և պաշտպանում է հիպերտոնիայից: Թեյում կան շատ բիոակտիվ նյութեր` կատեխին, որոնք հանգեցնում են արյունատար անոթների լայնացմանը: Իսկ կաթի միջի սպիտակուցները` կազեինները, թուլացնում են կատեխինների ազդեցությունը և արգելակում դրանց դրական ազդեցությունները անոթների վրա` հանգեցնելով անոթների տոնուսի նվազմանը: 

 https://shabat.am/am/article/119073/Katov-teyy-vnasakar-e-aroghjutyany