Զգայուն կամ մաշկաբորբի հակված մաշկը հատուկ խնամք է պահանջում: Այն անհրաժեշտ է խնամել առավելապես բնական միջոցներով, որոնք ագրեսիվ քիմիական հավելումներ չեն պարունակում: Steptohealth.ru կայքը գրում է, որ այս դեպքում լավագույն ընտրությունը տնային պայմաններում պատրաստված օճառն է: Այն պատրաստելու համար անհրաժեշտ է մի քանի բաղադրիչ:
Գլիցերին
Գլիցերինը բուսական ծագման միացություն է, որը լայնորեն օգտագործվում է տարբեր կոսմետիկ միջոցների պատրաստման համար: Ի տարբերություն սուլֆատների, որոնք չորացնում են մաշկը և խախտում թթվահիմնային հավասարակշռությունը, գլիցերինը խոնավացնում է մաշկը, մաքրում այն, փափկացնում և առաձգականություն հաղորդում, ունի նաև հանգստացնող հատկություն: Բացի այդ, այն կարող է պայքարել բջիջների ծերացման դեմ:
Կակաոյի յուղ
Կակաոյի յուղը շատ սննդարար է: Այն հիանալի բաղադրիչ է, հարուստ է հակաօքսիդանտներով, վիտամիններով և հանքանյութերով, ինչը նշանակում է, որ կանխարգելում է մաշկի բջիջների ծերացումը և առաձգականության կորուստը:
Սպիտակ կամ կարմիր կավ
Կավի այս տեսակները լավագույն ընտրությունն են զգայուն մաշկի խնամքի գործում: Ընդհանրապես, կավը բնական միջոց է, որը հարուստ է հանքանյութերով: Այն կարող է մաշկի վերևի շերտը մաքրել կեղտից և օգնել կարգավորել մաշկի ճարպի արտադրությունը:
Նշի յուղ
Նշի յուղն ամենամատչելիներից և, միաժամանակ, ամենաարդյունավետներից է: Այն խոնավացնում է մաշկը, փափկություն հաղորդում: Բացի այդ, այն կարող է պայքարել բորբոքման և մաշկի հնարավոր գրգռման դեմ: Այսպիսով այն հրաշալի միջոց է` զգայուն մաշկը խնամելու համար, ինչպես նաև՝ մաշկաբորբի, փսորիազի, հերպեսի և նույնիսկ այրվածքների դեմ պայքարելու համար:
Լավանդայի յուղ
Սա մաշկի համար ամենաօգտակար յուղերից է և կարող է օգտագործվել մաշկի բոլոր տեսակների ժամանակ: Իր օգտակար հատկությունների շնորհիվ լավանդայի յուղը հաճախ է օգտագործվում տարբեր կոսմետիկ միջոցների արտադրության մեջ: Այն հականեխիչ և հանգստացնող հատկություններ ունի, ինչպես նաև օգնում է բարձրացնել մյուս բաղադրիչների արդյունավետությունը: Բացի այդ` լավանդայի յուղը կարող է օգնել լավացնել մաշկի բջիջների վերականգնումը, կանխարգելել կնճիռների առաջացումը: Հանգստացնող կարողությունների շնորհիվ լավանդան դրական ազդեցություն է ունենում նյարդային համակարգի վրա, օգնում հեշտությամբ հաղթահարել զգացմունքային խնդիրները:
Բաղադրիչներ.
- գլիցերինի մեկ հաբ (100 կամ 120 գրամ).
- 4 ճաշի գդալ կակաոյի յուղ (50 գրամ).
- 2 ճաշի գդալ նշի յուղ (30 գրամ).
- 2 ճաշի գդալ սպիտակ կամ կարմիր կավ (40 գրամ).
- 15 կաթիլ լավանդայի յուղ:
Պատրաստման եղանակը.
Գլիցերինն ու կակաոյի յուղը տաքացրեք գոլորշու միջոցով: Երբ դրանք հեղուկի վերածվեն, կավի վրա ավելացրեք նշի յուղը: Խառնեք, վերցրեք կրակիվրայից և ավելացրեք լավանդայի յուղը: խառնուրդը լցրեք օճառի ձև ունեցող տարայի մեջ: Երբ խառնուրդը սառչի և պնդանա, օճառը պատրաստ է օգտագործման:
|