Օգտակար ու անհրաժեշտ է իմանալ ոսկյա, արծաթյա իրերի ու զարդերի խնամքի մասին: Եթե դուք ունեք նշվածներից որևէ մեկը, ապա այս խորհուրդները հենց Ձեզ համար են: Չնայած չի խանգարի իմանալ` նախքան այն ձեռք բերելը:
- Ոսկե մատանին կամ ականջօղերը կփայլեն, եթե դրանք որոշ ժամանակ թողնեք քաղցրաջրի մեջ:
- Եթե ոսկյա զարդը կորցրել է փայլը, այն պետք է լվանալ անուշադրի սպիրտի լուծույթով (1 բաժակ ջրին` 6 կաթիլ), հետո լվանալ մաքուր ջրով և սրբել:
- Ոսկյա և արծաթյա զարդերի ու իրերի փայլը վերականգնելու համար պետք է 1 բաժակ օճառաջրին խառնել 1 թեյի գդալ անուշադրի սպիրտ, ատամի խոզանակը թրջել այդ լուծույթի մեջ և սրբել, հետո ողողել գոլ ջրով ու լավ չորացնել:
- Արծաթյա իրերը երկար ժամանակ խոնավ տեղում մնալով` պատվում են մուգ գույնի լաքաներով: Դրանք պետք է սրբել 8%-անոց գոլ քացախի մեջ թրջած լաթով, հետո ողողել ջրով ու չորացնել:
- Արծաթե զարդերն ընդգծում են արևից թխացած մաշկի գեղեցկությունը, սակայն սևացնում են մաշկը և հագուստը:Դրանից խուսափելու համար արծաթե զարդերը պետք է լվանալ մի քիչ անուշադրի սպիրտ խառնած օճառաջրով, ապա ծածկել որևէ անգույն քսուքի շերտով:
- Որպեսզի արծաթե սպասքը չսևանա, հետևեք հնագույն միջոցին. Այն շփեք գլիցերինով և փաթաթեք սև թղթով:
- Արծաթյա և արծաթաջրած իրերը կարելի է լվանալ նաև տաք օճառաջրով և սրբել փափուկ կտորով:
- http://newsline.am/am/news/view/42548.html
