sedablog.ru

Առողջ ու գեղեցիկ մաշկ ունենալու մասին բոլորն են երազում: Հաճախ մարդիկ հսկայական գումարներ են վատնում մաշկի խնամքի միջոցներ գնելու համար, որոնք սակայն անարդյունավետ են լինում: Սակայն բնությունը կօգնի ազատվել պիգմենտային հետքերից ընդամենը 3 օրում:

Կարտոֆիլի, կիտրոնի և նռան հյութերի խառնուրդի սառեցրած կտորները յուրահատուկ ազդեցություն են ունենում մաշկի վրա՝ արդյունավետ կերպով երիտասարդացնելով այն ու ազատելով մուգ հետքերից:

Կիտրոնն օժտված է մաշկը սպիտակեցնող հատկությամբ, ինչի շնորհիվ այս խառնուրդը սպիտակեցնում է մաշկը: Բացի այդ, շատ օգտակար է նաև կարտոֆիլի հյութը, որն արդյունավետ միջոց է մուգ հետքերից ազատվելու համար:

Բաղադրությունը.

·         1 հատ կարտոֆիլ,

·         ½ բաժակ նռան սերմեր,

          ½ կիտրոն,

·         1 ճ.գ. ջուր:

Պատրաստման եղանակը.

Կարտոֆիլը կեղևազրկել և քերիչով մանրացնել: Մանրացրած կարտոֆիլը լցնել կոտորակիչի մեջ, ավելացնել նռան սերմերն ու ջուրը և լավ հարել, մինչև ստացվի համասեռ զանգված: Ստացված խառնուրդին ավելացնել նաև կես կիտրոնից քամված հյութն ու կրկին խառնել:

Ստացված զանգվածը հարկավոր է լցնել սառույցի համար նախատեսված կաղապարների մեջ և դնել սառցարան (5-6 ժամ):

Պատրաստի սառույցի կտորներով անհրաժեշտ է ամեն օր լավ շփել մաշկը, այնուհետև լվանալ այն սառը ջրով: Առավել լավ արդյունքի հասնելու համար կարելի օգտագործել օրական երկու կտոր սառույց: